Gambari Myen Mung De Bai Sa Na.Myen mung hte seng ai UN maigan sumtsan salang rai nga ai Mr Gambari gaw du na ra ai bat langai ya shani myen mung de kalang bai sa na matu lajang da ai lam na chye lu ga ai.
Gambari gaw langai ya shani kawn manga ya shani du hkra myen mung kaw nga let seng ang ai myen mung salang ni hte kalang bai shaga na lam mung UN shiga gawk hta na chye na lu ai. Gambari kawn kadai hte hkyak hkyak shaga na lam hpe gaw rai n tsun shi ai hpe na lu ai. UN rung kaba kaw na myen mung de shagun dat ai message hpe tsun dan na matu mung lawm ai lam hpe seng ang ai shiga dap kawn na chye lu ga ai.
