Hpawt ni na ten hta hpa byin wa na?Wunpawng myu shayi ni hpe Miwa (china) mungdan de dut shalai aroi arip diplu dipsha ai lam ni lani hte lani grau grau law wa ai daini na ten hta Myu shayi ni a shawng lam hta shim lam n nga.
Shinggyim ahkaw ahkang mung n nga ai mabyin hpe yawng lit la let jawm garum shing tau hpaji jaw la let myu shayi ni yawng a shawng lam hta shimla lu la hkra shakut sa wa ra saga ai. Asak 18 ning n pu na ramma shayi sha ni hpe ya na zawn shinggyim ahkaw ahkang tsepkawp n nga mat hkra galaw ai magam bungli gaw Myu sha yawng hpe sai n pru ai sha gatsi majan hte sat taw nga ai lam nan re.Dai re majaw Wp myu sha ni hpe dai zawn aroi arip galaw nga ai lam hpe ning hkap ga.N dai lam ni tsepkawp n nga mat hkra shakut sa wa na gaw nang ngai yawng hta lit nga nga saga ai.
