MUNG KAN SHE GANAN HKRA MYING KABA MAT WA SAI TITANIC.
Gaja wa nga yang TITANIC ngu na, mying shingteng hte mying kaba nga ai sang hpaw li kaba gaw 10,april,1912 hta England kaw na Newyork mare kaba de sa wa ai hkrun lam hta (Iceberg) hkyen bum hpe a dawt hkrup ai majaw hten za lup mat wa ai lam rai nga ai. N dai labau hpe James Cameron hkam sha let, mungkan hta mying kaba nga ai Leonardo Dicaprio hte Kate Winslet yen hkrang shala shapraw dat ai sumla hkrung mung rai nga ai. N dai sumla hkrung hta grau n na hkrang shala da ai lam gaw madang tsaw / madang nem ai myu hpan lahkawng a lapran na mayak mahkak lam ni hpe mungkan hta chye na hkrat hkrang wa na matu hkrang shala da ai lam rai nga ai.
Dai ni myen mung dan hta mung n dai zawn re lam ni byin pru nga ai re. Ga shadawn ja gum hpraw law law lu ai ni yawng gaw myen asuya hte pawng gumhpawn n htawm yak yak hkak hkak rai sak hkrung hkawm sa nga ai myu sha ni a yi, sun, hkaw na, ni hpe madu zing la kau ya ai lam. Ja gumhpraw hte dip ga up n htawm myu shayi ni hpe shawa dap de n gawn n sawn sa nga ai lam, Dut mari nga ai lam ni gaw lani hte lani law htam wa nga sai, Dai majaw an hte wunpawng myu sha ni hpe dip rip nga ai myen hpyen asuya hte gaw hpa majaw ta gin dun nga na rai. Shan hte a n teng n man ai lam hta mung hpa majaw hkan sa nga na ga ta....? Ti nang lagaw ti nang tsap let WUNPAWNG MUNGDAN rawt jat galu kaba wa hkra shakut shaja sa wa ra saga ai ngu tang madun dat ga ai.
