September shata praw 13 ya, shana de daw hkying 4 daram hta Myen hpyen asuya hpyen hpung ni gau ai hpyen mawdaw gaw mana maka nau gau shachyang ai a majaw Myitkyina shatapru lawk hta shanu nga ai wunpawng myu shayi lahkawng a dawt si hkrum sai lam na chye lu ga ai. N dai WP myu shayi yan gaw tinang n ta kawn gat de sa wa ai lam hta ya na zawn a dawt sat hkrum ai lam na chye lu ga ai. A dawt ngut ai hte n si ai rai tim, tsi rung de lawan ladan n sa ya ai a majaw ya na zawn n si ging ai sha si mat wa sai lam na chye lu ga ai. N dai lam hte seng n na dingdung nga myen hpyen lit nga ai ni tsun wa ai gaw, lamu marang n kaja ai hta mawdaw gau ai ni lam hpe a tsawm sha n mu lu ai majaw ya na zawn byin ai lam re ngu sha a-hpa a-tang hte sha tsun lai wa sai lam na chye lu ga ai. N dai lam hpe teng man ai shiga lu la hkra naw matut shakut nga ding yang re...
- kachinland shiga dap
- 16 . september . 2008
- Wp mungdan shiga.
