Somali panglai ni hta mya lu mya sha nga ai palai damya ni gaw lani hte lani grau grau she law jat wa ai hta n ga, damya mya ai lam mung grau law wa nga ai hpe mu lu ai.Palai kaba ni hpe lai di let htaw shalai nga ai wan sau (ye nan) htaw sanghpaw kaba ni hpe grau na myalu myasha nga ai lam mung rai nga ai.
Dai ning na laman hta sha pyi sanghpaw kaba (yawm htum)90 daram hpe myalu myasha lai sai lam hpe na chye lu ai.N dai panglai damya ni n nga mat wa hkra American asuya gaw shi a hka dap hpyen hpung ni hpe lanak hte gap na a hkang mung jaw da sai re.NATO dap na hka dap hpyen hpung sanghpawli kaba mali hpe mung dai panglai ni hta dat da ai re.
Raitim ndai Somali panglai damya ni hpe a tsawm yu ginghka lu na matu mung grai yak nga ai lam hpe seng ang ai ni kawn tsun dan wa sai re. Dai damya ni gaw laga ten hta rai yang yu maya sanghpaw zawn sha nga n na shin hte mya na sanghpaw hpe mu ai shaloi she a kajawng sha mya sha sha rai nga ai lam hpe mung na chye lu ga ai.
Dai Somali panglai damya ni gaw USD ($) wan latsa jan lu mya la sai lam hpe mung matut na na chye lu ga ai.
