Thai mungdan a mung masa lam ni mung lani hte lani grau grau kaba wa nga hta Mungkan mungdan shagu na hkawmwa hkawmsa bu hkawm manam ni jam jau hkrum lawm nga sai lam hpe mu chye lu ga ai.Thai mungdan asuya hpe n ra sharawng ai PAD thai myu sha wuhpung wuhpawng kaba ni gaw Thai Bankok n bungli pa kaba hpe a kajawng sha shang zing da sai a majaw mungkan mungdan shagu na manam ni grai nan yak hkak hkrum sha let n bungli pa kaw sha nga jawng nga ma ai hpe mu chye lu ga ai.
Pad ni a bawnu kaba ai lam gaw yawng mu chye chyalu sha rai nga sai, hpa majaw nga yang thai mungdan gaw Asia hta hkawmwa hkawmsa manam law dik ai hte mungdan shagu na n bungli ni htinglu htinglai makyit mahkai hkat ai shara mung rai nga ai. Manam law law wa sa lam chyai nga ai mungdan mung rai nga ai majaw, mungdan a madung shang gumhpraw bungli kaba langai myi mung rai nga ai. Ya na zawn Pad ni shang zing wa ai lam madung gaw mungdan asuya hpe kaja nan n ra sharawng sai majaw, mungdan asuya a a rawng hte ja gumhpraw dum rai nga ai n bunglipa hpe shang zing let (a ra) madun nga ai lam mung rai nga ai hpe na chye lu ga ai.
N dai laman hta thai mungdan hpe laidi na hkawmwa hkawmsa ra ai buhkawm manam ni chyawm sadi sahka let hkawm sa ra n ga ai hpe mung shana dat lu ga ai.
