N dai laman, mungkan shiga dap n kau myi hta jinghpaw wunpawng mungdan kata na manu dan dik ai N.HPRANG sutrai ni gaw laning myi laman hta sha pyi shang gumhpraw law law wa shabyin ya nga ai lam shiga ni hta alaw ahtam wa ka madun nga ai hpe mu lu ai.2007 ning na shang gumhpraw; Natural gas - $3 billion
Maisak hte laga mailung hta - $480 million
Lungseng hte ja - $400 million
Mungkan n tsa hta lak lai manu dan ai ja,lungseng hte maisak mailung ni wa an hte jinghpaw wunpawng mungdan kata hta she hpring zup nga ai re.?
Hpu nau wa e hkum yup nga sa, rawt ra sai, makawp ra sai.N dai daram manu dan ai sut ngai mungdan hpe makawp maga n chye yang chyawm gaw masha wa e gabye kau ai numhpu tai na re. Maigan mungdan ni law law ni hta a rang n bang ai sha hpa mung n mai galaw, n mai byin wa ai hpe mu lu ai. Dai majaw daini na ten, mungkan hta sutsu ngamu ngamai mayu ai ni gaw jinghpaw wunpawng mungdan hpe myi yu ju taw nga masai re.
Myit n pyaw ai, yawn mung grai yawn ai. Hpa majaw nga yang lahta kaw madun da ai USD($) ni gaw myusha ni a lata hta lu la ai ja gumhpraw jahpan n rai na re hpe kam ai.
Gyam lu gyam sha nga ai myen sa wa ni a lata na jahpan hpe, sawnhpan ladan hpaji dap ni hte Hpungtang hpaji ning hkring ni ta tut mu chye lu ai hpe ka da ai re.
Hpu nau wa e... sutngai mungdan hpe madu nga ai annau ni wa masha wa a lata hta n chyang chyang na she nga sana kun? Daini mungkan hta n hprang sutrai hpring zup dik gaw jinghpaw wungpawng mungdan re ngu ai hpe galoi n malap ga i.
Ga shadawn langai myi hpe ka madun dat ai.....
Denmark mungdan na TECHNICAL jawng langai myi hta ... pat hte grai tsawm hkra galaw da ai gawk langai myi hta MAISAK hpun tawng myi hpe shadun da ma ai. N dai baw hpun gaw grai manu dan ai,manu mung grai laja ai majaw masha shagu n lu mari lang ai nga na jawng ma ni hpe Sara kaba wa sang lang dan ai.... mabyin hte she ga saw dat ga ai.
