Denmark mungdan kaw du nga ai Jinghpaw Wunpawng myu sha ni gaw lai wa sai 2005 ning kawn shaning shagu rawt malan poi hpe tinang kanu KNO kawn woi awn let wu wu di di galaw nga ga ai re. N dai rawt malan poi lamang hta UK nga wunpawng myu sha ni, Germany du wunpawng myu sha ni hte Mungkan Mungdan shara shagu na KNO ningbaw ningla ni hkum hkum zup zup myit hkrum myit ra rai jawm hpawng bang ban ai lamang kaba mung rai nga mali ai.Rawt malan poi hpe (February shata praw 5 ya) hte htep dik ai bat hpang 6 ya hte laban shani shaang let galaw nga ga ai re. Shaning shagu hta n dai rawt malan poi de du sa ai masha yawng 200 hta n yawm nga ai lam hpe mung mu chye lu ga ai. 2007 ning hta gaw UK kawn du sa ai Slg- Hkam Hpa hte Shy- Nang Seng yan kaw na rawt malan mungga tsun n gun jaw la sai re. 2008 hta gaw Du wa Mahkaw Hkun Sa kawn rawt malan mungga hte Jinghpaw Wunpawng Myu Sha ni a lam yan ni hpe tsun shadum n gun jaw la lai wa sai hte lam shagu hta Karai Kasang kaw na awng dang ai shaman chyeju wunli wungau hkam la lu na matu Du kaba Bum Wang La Raw Jan kawn Akyi hpyi ap nawng da ya sai.
Denmark kaw du nga ai jinghpaw wunpawng sha ni yawng mung n dai rawt malan poi hta langai n ngam yawng ahkum ara sa du hkrum zup lu ai lamang kaba langai myi mung rai nga ai re.
