Mr Ojea Quintana gaw myen mung kaw du taw nga ai rai n na, Mani ten hta gaw Karen (kayin) mung daw Hpa an htawng de sa du gawan da sai lam na chye lu ga ai. Dai ni daw hta gaw Yanggung mare Insing htawng de sa du hkawm lai wa sai hte htawng kaw sharen da hkrum ai mung masa bawng masha n kau myi hte mung hkrum shaga lai wa sai re.Hpawt ni daw hta gaw Jinghpaw mungdaw Myitkyina mare na htawng ni de sa du hkawm na re lam hpe mung matut chye lu ai. Shi a myitkyina hkrun lam hta gaw Zarganar hte wa hkrum shaga mayu ai lam gaw madung rai re ngu ai shiga ga dap ni a maram da ai lam hpe mung matut chye lu ga ai.
Mr Ojea Quintana gaw shinggyim ahkaw ahkang sawk sagawn tam maram lu na matu myen mung de du sa nga ai lam mung rai nga ai re.
