Daini na ten mungkan mungdan shagu ni hta ngui pyaw simsa ai Gumrawng gumtsa mung masa up hkang tara n pu hta ngui ngui pyaw pyaw hte pu kan magam bungli galaw sha let sut lu nga mu nga mai nga sai myu masha ni a lapran hta Miwa hte Myen gumshen asuya lahkawng a lapran hta chyat rawng nga ra ai anhte wunpawng myusha ni a prat gaw lani hte lani she grau grau na gritnem ai madang de she lahkam htawt sit shang wa nga ai zawn naw rai nga ga ai.
N dai lam ni gaw Miwa hte Myen gumshen asuya lahkawng a diplu dipsha hkrang shala nga ai a majaw byin taw nga ai lam ni rai nga ai. Wunpawng myusha ni a rawt jat galu kaba lam hta dut dang shara, dingbai dingna jaw nga ai ni yawng gaw tut nawng e anhte a hpyen ni rai nga ai hpe myitdum su hprang ra nga saga ai.
Wunpawng mungdan hta du shang nga ai Miwa hte Myen Asuya ni a gatsi majan, Mung maden nga ai a majaw, daini wunpawng mungdan kata na Ja, Lungseng, Maisak Mailung,Ga sau namhpun hte n hprang sutrai ni yawng mayawng mung ma htum mat wa magang sai re. N dai katsi majan hte diplu dipsha lam ni yawng Wunpawng mungdan kata kawn atsai awai mat mat hkra gawt shamyit kau lu na matu gaw anhte jinghpaw wunpawng myusha ni a lit nan rai nga saga ai.
Mungdan langai rawt jat galu kaba wa na matu gaw mung masa lam hta grai nan a hkyak nga ai re.Tinang mungdaw mungdan hta awm dawm a hkaw ahkang lu tawn da ra nga ai hte mung masa simsa lu na matu gaw ra ahkyak dik nan rai nga ai re.
Daini na ten mungkan mungdan shagu ni hta ngui pyaw simsa ai Gumrawng gumtsa mung masa up hkang tara n pu hta ngui ngui pyaw pyaw hte pu kan magam bungli galaw sha let sut lu nga mu nga mai nga sai myu masha ni a lapran hta Miwa hte Myen gumshen asuya lahkawng a lapran hta chyat rawng nga ra ai anhte wunpawng myusha ni a prat gaw lani hte lani she grau grau na gritnem ai madang de she lahkam htawt sit shang wa nga ai zawn naw rai nga ga ai.