Ya daini na ten du hkra ngai malap n lu ai nge a ram prat hpe myit dum shagu maroi n ni masin mung grai n si la ai law. Myit dum dat shagu lahpum shachyen, n htu garang,sinat shachyen let myen sawa ni hpe htau shamyit kau mayu ai.Manu dan ai nge a ram prat hta dai sawa myen asuya ni a dip up sai chyup ai n pu hta n ni n kri hkrit maja let sha asak hkrung hkawm sa lai wa ni ai.
Hpaji hparat sharin la na ten hta myen sawa ni a majaw jawng n lu du ai ten mung law law lai di ra ai. Yi sun hkauna sa tim shanhte hpe sha hkrit maja let sak hkrung hkawm sa ra. Tinang a dum nta ni hpe majoi wan nat shamawng kau ya, lu na n lu sha na n lu nga ai ten ni hta nam na namlaw namlap di sha na pyi myen sawa ni hpe hkrit tsang let sha ngai sak hkrung hkawm sa lai wa ni ai.
Sakprat ram na magam bungli ni hta shang tsap wa ai ten hta rai tim, myen ni a maw mawn ai n pu hta sha sak hkrung hkawm sa ra. Tinang mungdan hta tinang myusha ni galaw lu galaw sha lam n nga, hkrat sum lam de hkrai htingnut ra. G-3 sinat mahku hte sinda kaw madi let sat kau na nanhte jinghpaw ni hpe nga na latsa lang n ga baw bye mung katut ga ni ai. U rem n mai Wa rem n mai myen ni hkrai sat shamyit kau ya, ngai maroi n ni ai..
Lam shagu hta tengman ai lam hpe makoi magap da let, n hkru n kaja ai lam hta sha baw bang nga ai amyu gaw myen hpyen asuya ni sha rai na sai ngu myit dum lu ni ai. wunpawng myusha ni e.... myen ni a ladat gaw anhte yawng hkam sha yu, chye na yu saga ai majaw ..N dai Jaw prat 21 hta gaw anhte wunpawng myusha ni myen a baw kabye saga.. Myen hpe shingkawt let rawt jat galu gaba wa saga.
Anhte hkam sha ngut sai lam ni gaw anhte a kashu kasha ni a matut a rang tai nga u ga. Dai a rang gaw hkrat sum ai a rang n rai, Awng dang ai arang rai nga u ga.
