Director G-Zung Ki a No.2 lang na sumla hkrung hpe daini kawn Rangoon Mare Sanshawng lawk na Shwe Mann sumla hkrung madun dap hta shawng madun hpang dat sai lam shiga na lu ai. N dai sumla hkrung gaw jinghpaw ga shaga ai jinghpaw sumla hkrung rai n na, yawng chye na lu hkra myen laika hte ga gale laika ka shalawm da ya ai lam chye lu ai.Sumla hkrung a shingdu sumla yawng gaw jinghpaw wunpawng mungdan a tsit lali tsawm htap la ai tsawm shingra ni hpe bang da ai hte lachyum sung ai tsawm shingra makawp maga lam ni hpe mung hkrang shala madun da ai lam na chye lu ga ai.N dai G-Zung Ki a sumla hkrung hpe char Multi-Media Production (CMP) kaw gram shajaw la n na,N sen hpe gaw tudio-D kaw gram
shajaw lajang la sai lam matut chye lu ai.Galau Zung Ki gaw lai wa sai shaning hta mung "Tsaw Myit Hpang Ai Shara" ngu ai jinghpaw sumla hkrung hpe mung grai awng dang ai madang hku n na galaw shapraw lai wa sai re. Shi a No.2 Lang na jinghpaw sumla hkrung mung myen mung a Cinema madang hta shawng n nan lahkam dat ai lahkam mung rai nga sai re. Sumla Hkrung gaw "Seeking love in evergreen forest" re da. Jinghpaw hku gaw tup hkak a tsawm n chye shi tim, "Nam Kawn Tsaw Kawn" Ngu ai jinghpaw sumla hkrung rai na re ngu let sha tang madun dat ga ai.
Hpa myi nga tim madang tsaw ai kanggam de lahkam htawt sit woi sai G-Zung Ki a labau gaw wunpawng shingni labau hta a nga nga na sai.
