N dai Laiza gat wan hkru ai lam gaw manawn masham ai ni a maw lahkyawn galaw ai lam rai na re nga Mung shawa masha ni sawn nga ma ai raitim, ya du hkra gaw gadai galaw ai re lam hpe a tsawm sha rai n lu sawk sagawn la lu shi ai lam na chye lu ai.
Wan hpyen hkrum ai masha yawng marai 425 rai nna shingbyi shara n'ta n'lu mat ai gaw marai 67 rai nga sai hpe KNET kawn na chye lu ga ai, hkala n ba hkrum ai lam ya ten du hkra n nga shi ai lam hpe chye lu ai. Wan hpyen a majaw hkru mat wa ai arung arai tak maram gumhpraw gaw Myen Ks. Sen Hkying Masum jan hte Miwa Yuan Sen 35.3 ram rai nga ai.
Dai hpawt manap wan hpyen zim wa ai hte seng ang ai makan dap ni kaw na ngam nga ai arung arai ni hpe sin makawp maga ya let jahpawt daw shawng ningnan hkye mawai ai bungli hpe hpang mat wa ai hta wan tsinyam hkrum ai ni hpe marai langai n-gu be 2 hte Ks 5,000 hpra garum magang wa sai. Bai nna wan hpyen tsin yam hkrum nga ai ni hpe Hkye Mawai Komiti hpaw shabawn let matut garum mat wa na re hpe chye lu ai.
Photo ; KNET
