Myen mung a democracy ningbaw rai nga ai Awng San Kaw gaw daini 12.November.2010, shana de daw maga (snr) 13.November.2010 hta lawt pru wa na masa nga ai lam na chye lu ai. Awng San Kaw gaw lai wa sai shaning hta tsasam manam John Williams Yettaw a majaw n'ta hta rim rawng da ai kaw na pru lawt na aten mung du sai rai nga ai.Awng San Kaw shinggan de lawt pru wa ai hte lam shagu hta hkrawn hka hpa ra rai lu na matu (NLD) parti masha ni mung shanghte a Rung ni hpe jasan jaseng hkyen da nga sai re.N'dai NLD parti na ramma ni hte laga ramma ni law law mung Awng San Kaw lawt pru wa ai masat masa hku n'na tsirung kaba ni hta shanhte a sai ni hpe Alu jaw na matu tang shan da nga masai lam matut chye lu ai.
Awng San Kaw du pru wa ai hte hkap tau hkalum la na matu ( Jinghpaw mung, Sam mung, Hkang mung ) hkan na NLD kasa malawm ni mung Rangoon de du taw nga sai lam na chye lu ai.
