DKBA hte Myen gaw Myawaddy hta matut manoi gap hkat nga.

DKBA hte Myen gumshen hpyen ni gaw mani kaw shada da wang hkat wa ai hta dai hpawt daw kaw na gaw shada da gap hkat ra ai madang de du mat sai re.N'dai DKBA hte Myen hpyen ni gap hkat ai a majaw Myawaddy hte Mae Sot kaw shanu nga ai mung masha grai yak hkak let hprawng dumbri hkawm nga ma ai lam shiga na lu ai.

Daini shani kaang daw hta matut chye lu ai shiga hta masha yawng (10) daram hkala hkrum sai hte si ai mung lawm sai lam na lu ai.Myen Mung hte Thai Mung lamu ga jarit pru shang lam hpe gaw daihpawt kawn pat da ai lam matut na chye lu ga ai.