Lai wa sai bat hpang kru ya shani Hpakan hta ga gyi ai mabyin langai byin lai wa sai re, n'dai ga gyi ai hta masha tsawm ra myi mung ga gaput si lawm lai wa sai re. Ga gyi ai shara gaw Hpakan Maw shan hta lungseng n'hkun htu sha nga ai "A chyu tu" gungmani a shara hta re lam na chyelu ai.Laban hpang kru ya jahpaw manap jaw jaw hkying 4:00 am daram hta gyi ai rai n'na, si lawm mat wa sai ni gaw gat du ai masha ni hte "ye ma se" lungseng tam ai ni law malawng re lam na chye lu ga ai. N'dai si mat ai ni kaw na numroi masum hpe gaw bai lu htu shaw la n'na, Hpung up sara wa hkritstan hku makoi mayang ya sai lam shiga na lu ai.
N'dai ga gyi ai hta si gaput lawm mat ai ni yawng gaw numroi kade re ai hpe a tsawm n'chye lu tim, 30 kaw na 50 lapran hta gaw rai na re lam buga masha ni tak sawn nga ma ai re.
