Internet Internet Aw Internet Daini na mungkan hta shinggyim masha ni langai hte langai matut mahkai hkat ai lam hta internet mung kaba dik ai shara langai hta lawm nga ai re. Facebook lang na nga tim internet, Twitter lang na nga tim internet, chatting she galaw hkat na nga tim internet,web hte mail hta n'ga laga matut mahkai lam law law wa lawm nga ai re.Raitim, Myen gumshen hpyen asuya ni gaw shanhte a "A Ra lata poi" masu galaw na ten October 7, 2010 du wa magang internet connection speed mung le hte le grau grau langyan wa hkra galaw nga ai re. N'dai lam hpe myen asuya ni galaw hpang wa ai gaw lai wa sai august shata praw kawn rai nga ai.
Ya na zawn mung chying sha ni langai hte langai matut mahkai ai lam n'lu galaw n'mai galaw mat hkra galaw nga ai gaw, mung masha ni ra sharawng ai, tengman ai "A Ra lata poi" n're sha shanghte myen asuya ni ra ai hku masu magaw galaw dang la na ra lata poi she rai nga ai lam gaw dan dan leng leng rai nga sai re.
