Sam Mung dingdung daw SSA-N hte myen gumshen hpyen ni gaw daina de daw hkying 5:00 pm daram kaw na matut manoi majan laja lana byin nga ai re, n'dai ya byin nga ai majan hta myen maga de na hpyen n'gun gaw 50 daram re lam na chye lu ga ai.Majan byin ai shara gaw SSA-N a dapba langai dung ai shara maga, Monghsu hte Tangyan lapran na Wanhai dap hte deng masun daram tsan ai shara kaw byin nga ai re. Lahkawng maga hkala n'ba hkrum ai lam gaw n'na lu shi tim majan gaw laja lana matut manoi byin nga ma ai re.
Matut n'na n'dai majan byin nga ai shara de myen ni gaw hpyen n'gun matut manoi jat bang nga ai hte SSA-N maga de na mung hpyen n'gun matut jat bang nga ai re, majan gaw grau na ja kaba wa na re nga n'na SSA-N hte ni gahtep ai ni gaw BBC shiga dap de tsun shana lai wa sai re.
N'dai ya majan byin nga ai shara hta myen hpyen n'gun gaw 2000 jan daram du nga ai lam shiga na lu ai.
