Lai wa sai November praw (7) laban ya shani Myawaddy kaw na byin hpang wa ai DKBA hte Myen SPDC a majan matut manoi byin mat wa ai hta hpyen hpung lahkawng maga na ni hkala n'ba n'kau myi hkrum lai wa sai re, Myawaddy hte laga shara ni hkan shanu nga ai Mungchying sha ni mung dumbru dumbra hprawng htaw jamjau lai wa masai re.N'dai hta e Myen SPDC maga de na G-3 madang rai nga ai myen hpyen du Thet Naing mung DKBA ni a lata hta November praw 8 ya shani rim hkrum lai wa sai re,Thet naing gaw Myen mung Mikhtila Yanmyu lawk kaw na rai n'na madu jan hte Kasha Numsha "manga" mung lu da ai wa rai nga ai.
Thet Naing gaw DKBA a lata hta rim hkrum mat ai rai tim, zingri zingrat adup gayet jep zingri ai lam n'hkrum ai sha, a ngui a pyaw hte daini November shata praw 12 ya shani DKBA ni bai dat dat sai lam na chye lu ga ai. Thet Naing gaw shi hpe Kanu shaprat jaw ai asak gaw n'nga mat sai, hpyen wa e jaw ai asak sha nga sai lam tsun lai wa sai re.
