USA Kachin Rangers 1942 - 1945.

USA Americans myusha ni hte anhte Jinghpaw Wunpawng myusha ni a lapran hta langai hte langai shada da myit magyep kap jinghku tai let garum shingtau hkat lai wa sai gaw daini sha n'rai lai wa sai shaning law law ning kawn rai nga sai re.

Lai wa sai ten ( 1942 - 1945 ) ning ni hta byin lai mat wa sai lahkawng lang na Mungkan majan WW.II hta Jinghpaw Wunpawng Myusha ni gaw Kachin Rangers, Jinghpaw Rangers ngu ai mying hte US American hpyen hpung ni hte rau hpyen law law hpe jawm ninghkap gasat shamyit lai wa sai re.

Mungkan hta myit sadi dung dik, ga sadi dung dik shinggyim masha gaw Jinghpaw Wunpawng myusha ni re nga n'na American myusha ni a n'gup kaw na law law lang tsun lai wa sai hte anhte a Mungdan hpe mung "promised land" ngu shamying ya lai wa sai re. Zet tsang ai hte magrau grang let, hpyen majan gasat ai hta sawn hpan ngyen hpaji rawng dik mung Jinghpaw Wunpawng Myusha ni re ngu let USA Kachin Rangers labau laika law law ni hta ka masat da nga ai re.

Matut n'na rai tim Jinghpaw Wunpawng Myusha ni hte American myusha ni gaw shada da myit magyep kap let garum shingtau nga na gaw ga lahtum n'shut rai nga ai hpe sawk tam madun dat lu ga ai.















Sumla ; USA Kachin Rangers
Sawktam madun ai ; KMG