WUNPAWNG JAWNGMA HTE RAMMA HPUNG
NI MYITKYINA KAW POSTER SHAKAP N GUN MADUN DAT SAI.
Daihpawt manap jaw jaw hta MYITKYINA mare kaba hta wunpawng jawng hte ramma hpung ni kawn myen hpyen asuya hpe ninghkap n gun madun poster shakap ai lamang kaba hpe galaw lai wa sai.Daihpawt manap hkying- 9:00 ten du hkra n dai poster ni shara shagu hta mu mada nga ai lam BBC thailand shiga dap kawn na la lu ai.
Shanhte a poster ni hta
(1) Myen hpyen asuya a shinggyim ahkaw ahkang tawt nga ai lam ni hpe ja ja n ra let ninghkap.
(2) Myen hpyen asuya hkrat sum u ga.
(3) Mungdan simsa lam ( Democracy ) awng dang u ga.
Ngu ka da ai poster ni hpe mare ting chyam hkra shakap da lai wa sai lam chye lu ai.
Ndai lam ni hpe seng ang ai wp jawngma hte ramma hpung kaw na myitsu langai wa hpe BBC kawn san wa ai shaloi = ya hte sha NAM SAI mare na asak 15 ning sha re Hkawndin hpe myenhpyen asuya ni kawn roi rip sat kau shinggyim ahkaw ahkang tawt lai nga ai lam Lai sai shaning hta rai tim PUTAO kaw mung myu shayi 4 hpe n dai zawn rai kalaw lai wa sai hta n ga myu wunpawng shayi law law hpe n dai zawn rai roi rit let shinggyim ahkaw ahkang tawt lai nga ai lam hpe tsun dan lai wa sai.
