Myen mungdan Democracy gumrawng gumtsa ningbaw rai nga ai Daw Aung San Suu Kyi gaw dai ni na ten hta nga yang n-ta htawng sharawng da hkrum ai yawng pawng gumhpawn yang 13 ning tup ladu hkrum sai re.Teng man ai tara hku nga yang Daw Aung San Suu Kyi hpe dat ging ai ten pyi lai sai re.Rai tim daini du hkra n dat ai sha rim rawng da ai gaw, tara n shang gum shen arawng aya hpe myit marin nga ai myen hpyen asuya a n hkru n kaja, diplu dipsha ai a majaw rai nga ai.Dai ni na ten mungkan ting hta chyam bra nga ai myen hte laga mungchying sha ni yawng jawm gumhpawn let Myiwa kyit hkai rung ni hte Myen kyit hkai rung ni hta ra sharawng n gun madun lai wa sai re.
Tara n shang ai sha Daw Aung San Suu Kyi hpe n-ta hta rawng da ai kawn lawan dik ai hku dat dat na matu hte mungdan masa lam hta myit kalu galang hte shakut sa wa ai a majaw hkyuk htawng ni hta sharen da hkrum ai ni yawng hpe lawan dik ai hku dat dat na matu mung hpyi shawn lai wa sai re. N dai lam ni hta, myen mungdan a n tsa maden lu ai myiwa asuya ni mung matut n na mungdan masa a majaw hkyuk htawng hta sharen da hkrum ai ni hpe lawan dik ai hte shapraw dat na matu grau n na shadut ya na matu mung hpyi shawn lai wa sai re.
