Ya na zawn myen mungdan hta kaja ai magam bungli galaw nga ai ni law law hpe shaning law law wa dam jahkrat nga ai lam a majaw, Mungkan mungdan shagu na ni grai myit n pyaw hkam sha nga ma ai re. N dai lam ni hpe majoi sha n yu nga na matu mung shadut nga sai re.American mungdan na sumtsan salang ni mung n dai lam hte seng n na December shata praw maga , myenmung de sa du bawng ban wa na lam hpe mung na chye lu ga ai.
N ta hpraw gawknu kawn mung lai sai laman hta statement shapraw da sai re. Rai tim myen mung asuya gaw madat mara lam n nga ai sha grau na she shanang nga ai lam hpe mu mada nga ga ai re.EU mungdan rapdaw hte malawm ni yawng mung aja awa ninghkap nga ma ai re.
Lai sai lahkawng masum ya laman hta september mang hkang hta ning baw rai nga ai Hpungkyi Gambyira hpe 68 ning ari jahkrat n na, Shingni hte sumla hkrung ninghkring
Zargana hpe mung 45 ning jahkrat dat sai re hta n ga Zargana hpe gaw matut na tara nau jayang nga ding yang re hpe mung matut chye lu ga ai.
