Wunpawng myu sha ni a shingdu labau a majaw maigan myu sha ni law law wa sutsu nga mu nga mai wa nga ai hpe yawng mu mada chyalu sha rai na hpe kam ai. Grau na mu mada mai gaw National Geographic Channel kaw rai nga ai.Denmark mungdan kaw nga ai TV channel law law hta na National Geographic Channel hta nayi hkum lahkawng hkawt madun dan mat wa sai lamang hta Yunan hte wunpawng jarit hkan e nga pra nga ai myu wunpawng sha ni a shingdu labau hpe hkrang shala dan ai hpe graw na n gun shapraw madun nga ai hpe mu chye lu ga ai.Mai jiwoi jiwa ni a gumchying gumsa prat na ngasat ngasa lam ni, Jaiwa dumsa hkinjawng ni majan jan let wan mang gabye ai mau hpa labau hte kang gam law law hpe n htu n shan n tsa kawn kabye lung mat wa ai mau hpa magam bungli ni hpe atsawm sha hkrang shala madun dan nga sai hpe mu chye lu ga ai.
N dai lamang hpe LOST IN CHINA ngu ai ga baw hte madun shabra mat wa sai re. Grau na gaw wunpawng myu sha ni moi kaw na lang hkrat wa ai n dan hte pala wa mung ma´nu dan dik nga sai hpe mu chye lu ga ai.
