Myen mung dan kata na pru ai hpahka lap ni hte galaw ai malu masha ni hta shi a pru ging ai n sam hta lai jan na hkyeng jat, htoi jat nga ai gaw malu masha kaja n re nga hte n mai lu sha ai lam hpe seng ang ai lu sha jep lajawng dap ni hte shiga dap ni kawn na chye lu ga ai.Lai wa sai 2008 ning htum wa daw kawn Myen mung kata hta hpahka lap hte galaw ai malu masha ni hpe koi gam na matu myen shiga dap ni hta n dau shabra dat sai lam gaw n dai Hpahka manai ni hta lawm nga ai / n sam hpe shajat ya nga ai chemical ni gaw masha hkum hpe hkam n kaja shangun , jam jau jaw nga ai lam ni rai nga ai. Grau na gaw anhte wunpawng sha ni shani shagu shadu lu nga ai hpahka lap hta ya na zawn re n kaja ai chemical tsi ni lawm nga sai lam hpe mung na chye lu ga ai.
N dai lam ni gaw lamtawk lam hku na ja gumhpraw tam nga ai ni, malu masha hpe hpaga rai hku sha sawn shachyaw galaw shapraw nga ai a majaw "hte" seng ang ai mungdan asuya ni kawn n dai malu masha ni hpe tatut jep sagawn jasan jaseng ai lam hta gawng kya nga ai a majaw rai nga ai re.
Ya na zawn n san nseng ai malu masha ni a majaw mungchying sha ni a hkamja lam lani hte lani grau grau na gawng kya wa nga ai gaw n kaja ai lam langai rai nga sai hpe mu chye let sadi sahka ra nga saga ai.
Sadi ; Shi a madang hta lai na htoi hkyeng jat wa ai hpahka hte hpalap malu masha hpe n lu/sha ga.
