Jinghpaw wunpawng mungdan mare daju Myitkyina, Manmaw hte laga mare kaba ni 5 hta kyu hpyi hpawng galaw nga ma ai lam na chye lu ga ai. Ya na zawn a kyu hpyi hpawng kaba lamang hpe galaw nga ai gaw Myen mung a democracy ningbaw Aung san suu kyi hpe mara kata rim rawng da ai kawn lawt wa lu na matu madung rai nga ai hpe na chye lu ga ai.Jinghpaw wunpawng ramma hpung (AKSYU) ni woi awn galaw nga dingyang rai nga ai laika poster ka mara shakap ai lam hta n dai bat e mung myitkyina dakgasu jawng ni hta democracy ningbaw Aung san suu kyi hpe "ya jang dat" ngu ai laika poster ni hpe shakap lai wa sai lam matut chye lu ga ai.
Ndai akyu hpyi ai lamang ni hpe du na ra ai june shata praw 19 ya shani hta ang ai Aung san suu kyi a shangai n htoi du hkra matut galaw mat wa na re lam na chye lu ga.
