Tsawra ai wunpawng myusha ni e, Myitsu Du Salang ni yawng hte e Myu hte Mungdan hpe tsawra makawp maga ga.Ya daini anhte wunpawng myusha ni hpe Hpaji masa,Sut masa, Mung masa hte masa lam bawhpan law law hte dipup saichyup dipsha nga ai Myen gumshen hpyen Asuya gaw anhte wunpawng myusha ni a kaba dik ai hpyen majing nan rai nga ai.
N dai Myen gumshen hpyen asuya ni wunpawng mungdan kata hta sha a nga nga dingsa gaw anhte a hpaji masa lam, sut masa lam ni galoi mung rawt jat galu gaba wa na n re. Grau na gaw mung masa lam hta masan sa rawt jat galu kaba wa na matu n loi nga ai hpa majaw nga yang shanhte Myen gumshen hpyen asuya a masing masa gaw diplu dipsha na, aroi ara di na (hte) myu hte mungdan, myusha laili laika hpe shamat shatsai kau ya na ladat masing masa sha rai nga ai re.
Dai majaw anhte wunpawng myusha ni gaw dai zawn re Myen gumshen hpyen asuya a masing masa n pu kaw taw nga na lam n nga sai.Rawt ra sai Tsap ra sai.
Anhte a mungdan gaw Wunpawng mungdan, Anhte a myusha gaw Wunpawng myusha,Anhte a mungdan hta anhte a dawnghkawn, anhte a manau shadung hpe sharawt jung da lu sai ni anhte re.
Anhte a mungdan grin nga lu na matu gaw anhte a lit re.
Anhte a myusha grin nga lu na matu gaw anhte a lit re.
Anhte a laili laika hte anhte rawt jat galu gaba wa na matu gaw anhte a lit re.
