Wunpawng mungdan mare daju Myitkyina hta ndai laman shana shagu ngu na daram Shatapru lawk, Mali hka makau hte mare kaang ni hkan pyada hte swan arr shin ngu ai ni grai kamawng nga ai lam chye lu ai. Swan arr shin ngu ai ni gaw lata hta tsit nsam hte sumpan langai hkayawp da ai sumpan ntsa hta Swan arr shin ngu ka da ai re lam matut chye lu ai.Ya na zawn pyada hte swan arr shin ni myitkyina hta aten hpring ngu na daram shana shagu pru gamawng nga ai gaw hpa majaw re ai hpe atsawm sha n chye lu ai hte gara aten hta gadai hpe gara hku manghkang tam jam jau jaw wa na kun ? ngu myit tsang let maja hkawm sa ra nga ai lam hpe mung matut chye lu ai.
Shawoi hkan na hta grau na ya na zawn Swan arr shin ni myitkyina hta gamawng nga ai gaw lak lai nga ai hte Ya aten Jinghpaw mung shara shagu hta masa n pyaw ai majaw Buga masha ni mung myit tsang let sha maja hkawm sa ra nga sai hpe mung matut na chye lu ga ai.
N dai shiga hpe shana ya ai mungdan kata na myitrum manang wa hpe chyeju dum masat da ga ai.
