Myen gumshen hpyen asuya hte wunpawng myusha ni gara masa lam hku mung lata gindun n mai sai majaw 1961,february,praw 5 ya shani kawn tinang mungdan gaw de na matu rawt malan sa wa ai gaw daini 2009 ning du hkra nga yang 50 ning de shang gabye nga sai re. Wunpawng myusha ni yawng hte e lai wa sai 50 ning laman hta anhte wunpawng myusha ni myen gumshen hpyen asuya hpe gara hku rawt malan lai wa sai lam, Mungchying sha ni myit rawt let garum shingtau wa sai lam hte yak tim yak ai hpe n myit, jamjau tim jamjau ai hpe n myit ai sha rawt malan lai wa sai hpe kalang bai n htang myit sumru yu ga.Ndai zawn mungchying sha ni a shakut shaja lai wa sai lam madung gaw mungdan lu na matu nan rai nga ai.Myutsaw share shagan ni law law wa tinang a sinda hpe gaduk shatai let shakut shaja share shagan lai wa sai anhte a rawt malan hkrun lam ni yawng gaw myu hte mungdan a matu nan rai nga sai.Mangai ta du shagu tinang a yi sun hkauna kaw na dan la shu la lu ai naimam ni hpe yu let mani sumsai rai kabu awlaw nga ai Nu Wa ni a shawang myit ni wa myutsaw brang ni / myutsaw hkawn ni sha na lu da sai ngu kabu awlaw nga ai myu tsaw, mungdan tsaw ai nu wa ni a myit masin ni yawng wa.....
Hpunau wa e daini na a majaw myutsaw mungtsaw share shagan ni myiprui n hkrat u ga sadi nga u.... Myu a matu mungdan a matu shaning law law wa shakut shaja lai wa sai jiwoi jiwa ni,, Daini na a majaw n yawn u ga sadi nga u........Myu hte mungdan hpe ngyet kau na matu ,, Daini nang hkum galaw nga u.... Nang wunpawng myusha wa hpe wunpawng mungdan a la nga ai.
LAKSAN; Myu hte mungdan hpe ngyet kau sai Uhpung Uhpawng ni yawng Kachin ngu ai a laika kanu "K" hpe hkum bang sa.
