Manmaw ginwang na lahta tsang jawng ni hta myen gumshen hpyen a matsun hte maren jawng sara/num ni kawn matu mahkang n'nga ai sha jawng ma jahpan hta nga ai lam Manmaw nga jawngma ni a kanu kawa ni kawn na chye lu ga ai.Ya na zawn jawngma mying hta nga ai hta lahta tsang jawngma ni hte lapran tsang jawngma ni hpe madung tawn n'na hta nga ai re lam matut na chye lu ga ai. Kalang lang rai jang jawngma ni hpe zuphpawng nga ai nga n'na masu gahkyin mahkawng la n'htawm mying hta la ai lam ni mung nga ai lam na chye lu ga ai.
Jawngma ni hte nyinawn ai kanu kawa ni a ningmu hku nga yang n dai zawn rai hta la ai jawngma mying jahpan ni hpe 2010 ning ra lata poi hta jai lang na matu rai na re nga na tak sawn nga ma ai hte maga myi de nga yang shanglawt hte myen majan lama byin wa yang jawngma "Ramma" ni maga hku na gara madang hte shanglawt ni hpang de shang lawm wa na kun? ngu ai masa hpe myen ni dinglik ai mung rai yang rai na re nga tak sawn la nga ma ai lam hpe lahta na buga masha ni kawn na chye lu ga ai.
