Chyum jawng ma "Labya Htoi Awng" gaw 12,Sep,2009 ya jahpawt 4:50 AM daram hta Jubilee masat htingnu htap ( 3 ) kawn hkrat si mat sai lam shiga na lu ai. Labya Htoi Awng gaw asak 21 or 22 ning hta shang sai rai n'na shi a dai daw buga shara gaw Sam Mung kaw re lam matut chye lu ai.Ndai shadang sha Labya Htoi Awng gaw Shalom ngu ai Tape hte CD Album langai hpe manang ni hte rau jawm shapraw da sai re mahkawn ka ai mahkawn hkawn ai hta grai byin ai hte mahku nsen mung grai pyaw ai lam na chye lu ga ai.
Hpa majaw ya na zawn akajawng sha hkrat si mat ai hpe teng tut a tsawm n chye lu tim; Ndai shadang sha Labya Htoi Awng gaw shana maga yup ai a ten ni hta nau gahtet ai a majaw cement pa hte galaw da ai n'pan shara myi hta yup pyaw mat wa ai kawn jahpawt daw maga de di hkrat si mat sai re lam "myitrum manang wa" shagun dat ai shiga hpe lakap let na chye lu ga ai.
Yawn hkyen hkrum nga ai manaw manang ni hte makyin jinghku ni yawng hpe shalan shabran lawm na matut mung saw shaga dat ma ai.
