Wunpawng Mungdan Shanglawt Hpyendap, Masat Yan (3) Hpyendu Shalat Jawng Yu Poi hpe, Hpyendu Shalat Jawng, Daru Magam Gawknu hta galaw sai. Ndai jawng yu poi hta, hpyendu jawngma 57 hpe daru magam ahkang aya ap ya ai hte jawng shayu dat ai.
Jahpawt 8:00 Am hta daru magam ahkang aya ap ya ai hpawng, 11:00 hta jawng yu poi, ngut ai hpang, shana de hkying 2:00 hta shagrau sha’a lusha poi, shana 6:00 kaw nna, Shanglawt Masa Gathkai Hpung hte Sinpraw Majoi Htunghking Shingni hpung ni a myit sharawt masing ka manawt lamang ni galaw ai.
Ndai lamang ni hta, jawngma kanu kawa, mung shawa ni hte seng ang ai du salang ni ahkum ara sa du shanglawm shagrau sha’a ma ai.
Wunpawng Mungdan Shanglawt Hpyendap a Hpyendu Shalat Jawng hpe 2006 ning kaw nna hpaw hpang ai rai nna, ya du hkra rai yang, masat yan 4 du hkra hpaw sai.
www.kachinnet.net
