Du na ra ai 2016 ning hta galaw na rai nga ai Olympics hpe gara mungdan hta galaw na ngu ai zuphpawng hpe lai wa sai October praw 1 hte 2 ya shani ni hta Denmark mungdan a mare daju Copenhagen hta galaw lai wa sai lam shiga na lu ai.N dai Ol zuphpawng hta mungdan n kau myi hta na ningbaw ni sa du shang lawm ma ai zawn American Gumsan magam Obama hte madu jan Michelle Obama yan mung sa du shang lawm lai wa sai lam shiga na lu ai. Ya na zawn American Gumsan magam Obama yen sa du shang lawm ai lam gaw shi nga kaba wa ai shara rai nga ai American mungdan Chicago hta 2016 Olympics hpe galaw lu na matu shakut ai lam mung rai nga ai hpe na chye lu ga ai.
2016 Olympics galaw na matu yaw shada da ai shara ni hta lawm nga ai ni gaw Chicago, Tokyo, Rio hte Madrid ni rai nga ai hta na Brazil mungdan a mare daju Rio de janeiro hpe lata la lu sai lam shiga na lu ai. Brazil mungdan gaw dingda America dan hta shang n nan Olympics hpe galaw lu na mungdan langai mung rai nga sai lam matut na chye lu ga ai. Brazil mungdan asuya kaw na mung n'dai Olympics ginsup poi a matut $ 14 billion lang na matu yaw shada da sai lam shiga na lu ai.
