Mungkan a Pop hkawhkam Michael Jackson gaw shi a yungui hte shingni prat a hpang jahtum hku n na London kaw galaw na show kaba a matu shaman shakyang nga ai aten hta a kajawng sha n nga mat wa sai rai nga ai.Michael Jackson n nga mat sai rai tim shi hpe ra sharawng tsawra nga ai ni yawng a matu naw ngam nga ai Michael Jackson a kanu kawa kahpu kanau manaw manang makyin jinghku ni kawn dang di dang dep ai daram galaw lajang jaw dat ai hta Michael Jackson rai n si shi yang mahkawn da ai mahkawn n nan ni hpe yawng madap hkam sha lu na matu "This Is It" ngu ai Album hpe du na ra ai November shata praw 10 hte 17 ya laman ni hta mungkan ting dut shabra hpang sana re lam na chye lu ga ai.
N dai Michael Jackson a Album n nan hta "this is it" ngu ai mahkawn n nan, laga mahkawn n nan ni hte mungkan hta mying kaba nga ai shi a mahkawn yungui ni hpe bang shalawm let dut shabra na re lam hpe mung matut na chye lu ga ai.
N dai mahkawn album hpe du shabra ai kaw na lu la ai ja gumhpraw ni hpe gaw Michael Jackson a kanu hte kasha ni a matu madung rai na re lam hpe mung seng ang ai shiga dap ni kawn matut chye lu ga ai.
