Jinghpaw wunpawng mungdan shanglawt hpung KIO/KIA hte myen gumshen hpyen asuya lahkawng yen a lapran hta tinang a ra sharawng lam ni hpe bawngban sa wa ai gaw daini du hkra nga yang 8 lang tup rai nga sai hpe yawng chye nga chyalu sha rai nga sai re. Raitim n dai bawng ban sa wa ai lam hta myen gaw shanhte ra sharawng ai "ga jarit sin hpyen hpung" gale na matu sha tut nawng tsun shadut nga dingyang sha naw rai nga ai re.N dai laman hta rai tim myen ni gaw shan hte a ra sharawng nga ai "ga jarit sin hpyen hpung" hpe Oct shata 31 ya shani hta hpang jahtum galai na matu n hkap la ai simsa hpung ni hpe gaw matut gasat mat wa na matu tsun ginrat da nga sai lam na chye lu ga ai.
Jinghpaw wunpawng mungdan laiza mare maga de mung myen ni gaw shan hte a hpyen hpung ni hpe shawoi na hta grau na jat bang nga sai lam buga nga masha ni kawn matut na chye lu ai hta lai wa sai October shata praw 9 ya shani e mung hpyen mawdaw 18 tut bai matut htaw bang da sai lam matut na chye lu ga ai.
Ya na zawn myen hte jinghpaw wunpawng mungdan shanglawt hpung ni matut bawng ban nga ai lam gaw n dai October shata 31 ya shani hpang jahtum rai nga sai hpe sha matut tang madun dat lu ga ai.
