Denmark , Norway hte Sweden kaw du nga ai jinghpaw wunpawng myusha ni hte Danmark myusha ni hku nna shang lawm let n dai rawt poi hpe wu wu di di awng dang ai hku galaw la lu sai re,, Ndai poi lamang hta e grau nna n-gun lu la hpa gaw ya ten e anhte myusha ni a salum rai nga ai malai n mai zup hta gawgap taw nga ai mali n'mai hka madim hte seng nna byin nga ai masa lam ni hpe ya ten hta Myitkyina de na Denmark de bai du wa ai sasana sara kaba Denmark myusha Motens Kjær hku nna mung madim a majaw byin wa na manghkang ni hte anhte myusha ni hku nna n ra sharawng ai n dai madim masing a lam hpe du sa ai shawa masha yawng chye na hkra a zing a yang sanglang dan wa sai ,,
Matut n'na Sara kaba kaw na mu mada hkam sha ai hta ,,,,, N dai rawt malan poi hta du shang lawm nga ai jwp myusha ni a n dai zawn re ai myit rawt masing rawt malan poi lamang hte Mali zup madim hpe ja ja ninghkap nga ai lam hta shang lawm lu ai hpe a rawng la ai hte Denmark kaw du nga ai jinghpaw wunpawng myusha ni hpe mung n gun jaw lai wa sai hpe na chye lu ai,,
Ndai poi hta e a lak mi hku nna malizup madim hpe ning hkap ai hku nna latamasat lekmat htu ai lamang hpe mung du sa ai shawa masha yawng n-gun mi a lu jawm htu tawn sai laika pa hpe n dai shata praw 8 ya shani miwa datkasa kyithkai rung de slg,D,Nawdin hte Shd, Yawhan hku nna hkrum shaga let sa jaw na hpe na chye lu ga ai,,
Ndai poi lamang hta e Ramma ni law malawng rai nga ai majaw rawtmalan labau hte ya ten hta byin nga ai myen mung a mung masa hkaleng a lam hpe labau sumla ni hte hpawn sang lang dan wa sai,, Ndai zawn re ai grau htum ai n htoi hta e Eu du wunpawng myusha ni hkrum zup lu ai hta sha n-ga du na ra ai ten hta e mung matut galaw shakut sa wa ra nga ai ”N-ngut shi ai anhte a rawtmalan hkrun lam” hta e lata gindun let lahkrip ra ra jawm shakut sa wa na lam hpe mung daining na KNO-DK rawt malan poi kawn wunpawng myusha yawng hpe n dau shabra dat sai lam shiga na lu ai.
Rawt malan hkrun lam hta asak ap-nawng lai wa sai anhte a hpu shawng hpuba myutsaw mungtsaw share shagan ni yawng hpe laksan hkungga jaw shagrau ai lam hte shanhte ngam da ai n'ngut shi ai rawt malan yi ngam hpe daini mungkan de chyam bra nga ai jwp myusha ni yawng a lit nan rai nga ai hpe tut myitdum let tatut shakut shanglawm na hpe mung n'dai poi hta du sa ai hkum ding dek wa chye na nna shaga wa ai n sen hpe mung n-gun mi a lu na la ai majaw grai awngdang sai lam hpe mu lu ga ai,,
Ndai zawn Denmark hta n'lu du dep lawm ai Netherland du Jwp Myusha ni hku nna mung dai ni na ten hta ( 49 ) ning hpring rawt malan poi hpe Netherland hta awngdang ai hte galaw la lu sai lam hpe Slg Sumlut Gun hku nna na chye lu ga ai ..Tinang KNO-DK hku nna gaw mungkan de chyam bra nga ai jwp myusha ni, dai ni gaw sai ga shaga ra ai ten rai sai ngu ai htemyit dum let shanglawt lu ai amyusha mungdan byin tai wa lu hkra ngu nna yaten du hkra laknak lang nna hpyen wa a man e sinda shachyen let myu hte mungdan a matu tsap nga ai jwp u hpung uhpawng ni yawng hpe mung hkungga jaw let lata gin dun sa mat wa na re lam hpe mung na chye lu ga ai,,,
Awng dang lam yawng gaw jwp myusha hte mungdan a matu rai wa u ga!
Anhte a rawt malan hkrun lam !! awng dang u ga!!!
49 LANG NA RAWT MALAN POI.
KNO-DK
KACHIN COMMUNITY IN DENMARK.
