Urawpadan hta laning myi hta kalang galaw nga ai " eurovision song contest " ngu ai mahkawn hkawn shingjawng poi lamang hpe dai ning gaw Norway mungdan a mare daju Oslo hta 29,may,2010 ya shani hta galaw la lu sai lam shiga na lu ai.Ndai mahkawn shingjawng poi lamang hta Urawpadan kata na mungdan ni law law sa shang shing jawng ai hta daining gaw Germany mungdan na ni No-1 shagrau hkam la lu sai lam hpe mung matut na chye lu ga ai.
Asak 19 ning re German shayi "Lena Meyer-Landrut" gaw satellite ngu ai mahkawn hte shang shingjawng wa sai hta shi a mahkawn hpe ra sharawng ai ni yawng hta grau law ai majaw Lena Meyer-Landrut shayi sha gaw shi pra a lakang kang gam hpe kaja ai kang gam hta shang kabye rawt tsap la lu sai lam mung rai nga sai lam shiga na lu ai.
