"Chyan hput" ni hpe mye jaw na matu dip share.

A ra lata poi n're sha "N'ra lata poi" manghkang gaw ya ten hta Myen mungdan ting hta chyam a'nawn gari nga sai re. N'dai masu poi mang hkang kaba hta tinang Jinghpaw Wunpawng Mungdan kata Sumprabum buga hta shanu nga ai Chyurum Wunpawng myusha ni mung hkam sha lawm nga sai re.

Ya ten hta myen "chyan hput" party ni gaw Sumprabum buga hta shanu nga ai (18) ning a lahta na Jinghpaw Wunpawng myusha ni yawng shanhte "chyan hput" hpe mye n'jaw n'mai nga na jahkrit shama let mye shagyeng bang shangun nga ai hte Buga Hkristan ginra ni hpe mung shanghte a mye rung shatai na matu maja tsun shadut nga ai lam BBC shiga hpe lakap let na chye lu ga ai.

Grau na gaw Jinghpaw Wunpawng Hkritstan Ma shalet jawng shara ni hpe n'kaw n'law galaw let shanhte a "chyan hput" party mye rung galaw na matu laja lana dip share tsun shadut nga ai lam KMG kawn matut na chye lu ga ai.

N'dai Sumprabum "chyan hput" party hta ya ten myen hte pawng gumhpawn let Jinghpaw Wunpawng Mungdan kata (Ja) n'hkun jawm galaw sha nga ai Hka mai Tang hte Hpau yam Bawk Ja yan mung shang lawm nga ai lam shiga na lu ai.



Cartoon : Khan lay ; Irrawaddyblog