Myen mung a sinpraw hkan Sam mung dingdung daw hta shanu nga ai Jinghpaw Wunpawng Ramma ni gaw myen a "A Ra Lata poi" hpe koi yen nga sai gaw lai wa sai October shata praw 10 jan ya kawn re lam na chye lu ga ai.Sam mung a dingdung daw Mungbaw, Mongkoe, Hpawng Seng hte Pang Sai ni hta shanu nga ai Jinghpaw Wunpawng Ramma ni gaw htingbu mungdan Miwa mung lamu ga jarit mare shara law law ni hta Bungli galaw let du taw nga sai re.
N'dai Jinghpaw Wunpawng Ramma ni hta asak 17 ning kawn 35 ning lapran kaw na ni law malawng rai n'na, ya ten hta shu la ngut sai nai mam n'lung ni hpe Kanu Kawa ni gaw ting nang a kashu kasha ni hte rau n'lung n'nan sha chyeju shakawn mayu tim, Ramma ni gaw tinang a Kanu Kawa ni hte rau sha n'lu shang lawn, n'lu garum, myen a n'tara ai "A Ra lata poi" hpe koi yen nga sai lam matut na chye lu ai.
Miwa mung a mungdaw Yunan hta du nga ai Ramma ni hta na malawng maga gaw dum n'ta gaw gap ai magam bungli hte Malu masha seng bungli ni hta law malawng shang kalaw nga ma ai re, rai tim n'dai lamu ga jarit mare ni "trafficking" ngu ai masha dut ginlen sha ai law law nga nga ma ai majaw Ramma ni a matu shimlum ai shara ni n'rai nga ai.
Matut n'na maga myi de myen hpyen asuya a ga jarit sin (BGF) hpe n'hkap la ai Jinghpaw Wunpawng shanglawt hpung hte laga laknak lang hpyen hpung ni mung "A Ra latapoi" ngut ai hpang myen gumshen hpyen ni lama htim gasat wa yang ninghkap gasat lu na matu shajin da nga sai lam Washington post shiga hpe la kap let na chye lu ai.
