Myen mung democracy ningbaw rai nga ai Aung San Kaw gaw shi a Kasha manaw Kim Aris ( Ko Hting Lin ) hpe dai hpawt daw hta "Ming gala dung" Rangoon n'bungli daru hta sa du tau la lu sai re, Aung San Kaw a Kasha manaw Kim Aris gaw Kanu nga nga ai myen mung de sa du lu na matu Thai mungdan kaw na myen mung Visa a la taw nga ai gaw shata myi hkawt rai nga sai hta ya dai ni Nov 23, 2010 ya shani she Kanu hte hkrum na matu myen mung de shang wa lu ai rai nga ai.Myen mung hta democracy "Gumrawng Gumtsa" shinggyim ahkaw ahkang lu wa na matu tut nawng shakut nga ai Aung San Kaw gaw Mungdan magam a majaw shi a Kasha yan hte n hkrum hkat lu mat ai 10 ning daram rai nga sai hpang, shang n'nan lang Kasha manaw hte hkrum lu ai mung rai nga ai.
Ya myen mung kaw du taw nga ai Kim Aris gaw shanghpraw mungdan "Briting" London kaw nga ai rai n'na, Magam Alexander Aris wa mahtang gaw American mungdan hta nga ai re. Kim Ari gaw Kanu hte hkrum ai hte shawa masha ni yawng a man hta shi a lahpum hta htu shakap da ai NLD dawnghkawn maksam hpe shang madun dat ai lam na chye lu ga ai.
Manaw Kim Aris gaw asak 33 rai nga sai re.
