2011 ning Shadan krung htunghking sut manau dum na matu aja awa hkyem lajang wa nga masai lam.Shadan krung (Hka-shang) ga gaw, moi na Chyurum Jinghpaw myu sha ni a htunghking sut manau hte kaga htunghking hkringhtawng ni hpe mung atsawm hkrak naw lu makawp da ai ginra rai nna, ndai 2011 ning na Shadan krung htunghking sut manau hpe, mungdaw pati asuya du salang ni hte, Yinkyang ginwang pati asuya du salang ni, htunghking hpung re ni mung grai myit lawm n-gun gaba hte woi da-ting bang wa nga ma ai.
Dai majaw, htaning na Shadan krung htunghking sut manau hpe atsawm hkrak lu galaw na matu ya kaw nna seng ang ai hpu awn hpung ma-hkra hpaw ninghtan da nna shamu shamawt bang wa nga ma ai. Ya manau shadung hpe mung sharawt shadun hpang wa nna, manau htingnu hte numshang ginsum ni hpe mung galaw hkyem bang wa nga masai.
Bai nna seng ang ai ninghtan hpung ningbaw ni hte hkrum shaga yu yang, manau ndai hpe moi na sut manau Hkringhtawng nan chyaw galaw nna, manau jaiwa wa, madai Nga dun, gaw gaw gawt, madai Mahkawn shayu, nshang gat re htunghking lamang ni hte manau lajaw hpe mung atsawm hkrak galaw rai na hku jahkrup da nga masai nga nna tsun dan ma ai.
Shiga ; www.dehong.gov.cn
