Myen gumshen hpyen ni ma ja e htim gasat wa yang tinang maga de na jin jin bai n'htang gasat lu na matu,shang lawt ginra ni law law hta hpyen ma lawlaw hpe "Recruit" jaw nga dingyang rai nga ai lam na lu ai.Ya na zawn rai hpyen hpung lahkawng maga na ni shada htang hkat, sadi maja hkat nga ai ten hta, maga myi de wunpawng myusha ni law law mung galoi wa she majan byin wa na kun, lama na a kajawng sha majan byin wa yang gara hku sak hkrung hkawm sa, galaw lu galaw sha ra wa na ngu ai hpe mung myit tsang let sadi maja nga ma ai lam na chye lu ga ai.
