"63" Ning hpring Jinghpaw Mungdaw masat n'htoi poi lamang hta tinang Kanu "Jinghpaw Wunpawng Mungdan Shanglawt Asuya" ni shang lawm lu na masa n'nga ai majaw shawoi shaning ni na zawn rai wu wu di di galaw lu na masa n'nga ai lam, Buga masha ni kawn na chye lu ga ai.Lai wa sai shaning na ( 62 ) ning hpring Jinghpaw Mungdaw masat n htoi hpe gaw Myitkyina hta "8" ya tup wu wu di di rai galaw la lu sai rai tim, daining na poi lamang hpe gaw maning na hta tsawmra myi shayawm kau na galaw na hte poi hpe mung "5" ya sha galaw sana re lam hpe mung matut na chye lu ga ai.
Lai wa sai shaning ni hta Jinghpaw Wunpawng Mungdan Shanglawt Asuya kaw na "Jinghpaw Mungdaw masat n'htoi poi lamang" a matu laksan Myen gumhpraw sen 1000 myi hte 2000 lapran jaw bang ya wa sai re.
Shaning shagu Myitkyina hta galaw ai Jinghpaw Mungdaw masat n'htoi poi lamang hta jai lang ai gaw Myen gumhpraw sen hkying masum "3000" hte sen hkying mali "4000" lapran rai nga ai re.
( 62 ) Lang na Jinghpaw Mungdaw Masat N'htoi na sumla ni.
