Yangon hta laisin rung jung let Myen mung a yi sun hkauna galaw lu galaw sha mayak mahkak lam hpe lapran tai hparan ya nga ai ( ILO ) a ningbaw Mr. Stephen Marshall gaw, Yuzana gungmani ni zing kaup la ai majaw mayak mahkak hkrum nga sai Hugawng pa na Jinghpaw Wunpawng Myusha ni a matu garum tang madun ya sai rai tim, mayak mahkak law law nau nga nga ai lam sanglang dat sai lam na chye lu ga ai.N'dai Hugawng pa a madung mayak manghkang gaw lamu ga madu ngu ai mahkang rai nga ai lam lahta na ILO ningbaw wa kawn sha matut tsun sanglang dan wa sai re.
Myen mung asuya ni tsun nga ai gaw ; Hugawng pa a madu gaw Myen asuya re ngu ai ga a majaw ya na zawn manghkang kaba nga ai lam mung rai nga ai lam na chye lu ga ai..
Lahta na shiga hpe lakap let KMG a ningmu hpe mung tang madun dat ga ai.
Jinghpaw Wunpawng Mungdan Hugawng pa gaw Myen gumshen hpyen asuya a masha rai nga ai "U Hte Win" woi awn ai Yuzana Gungmani a majaw hkrap ngu hkrap ngoi tut hkrum nga ai re.
Moi Jiwoi Jiwa ni a prat kaw na Jinghpaw Wunpawng Myusha ni prat hte prat galaw lu galaw sha makawp maga hkrat wa saga ai hte lamu ga madu mung Anhte JWP Myusha ni sha rai nga ai re.
Ya daini she gara kaw na pru wa ai mung n'chye ai tsa sam masha ni wa she madu nga na laba shang ka up madu sha wa ai lam gaw teng man ai lam, jaw ai lam n'rai nga ai re.
Hugawng madu gaw Jinghpaw Wunpawng Myusha ni sha rai nga ai re.
