Lai wa sai February shata praw 7 ya shani hta Jinghpaw Wunpawng Shanglawt hpyen hpung Dapba (3), dung (27) hte Myen hpyen hpung (hka.ma.ya - 15) ni gap hkat hpang wa sai kaw n'na myen ni gaw Jinghpaw WP mung, Manje mare hte makau grupyin ni de hpyen n'gun matut jat bang nga dingyang rai nga ai re.Matut n'na mung myen ni gaw shanhte a lawu ga nga hpyen hpung ni law law hpe Jinghpaw Mung, Manje mare maga de dat bang let hpyen n'gun jat shalaw bang nga ai lam na chye lu ga ai.
Ya na zawn Jinghpaw Wunpawng mungdan shanglawt asuya hte Myen hpyen asuya ni a lapran hta gahtet hkat wa ai a madung gaw "hkum shang" ngu ai shanglawt ginra de shanang shang wa ai myen hpyen asuya a shut ai lam a majaw rai nga ai re.
