Jinghpaw Wunpawng Mungdan Manmaw mare hte makau grupyin ni hta myen hpyenla ni Porter grai hkan lahkawn nga ai majaw buga masha ni grai myit ru jam jau let hprawng makoi hkawm nga ra ai re.Myen hpyen asuya ni Porter naw hkan lahkawn hkawm wa ai a majaw Manmaw hte N'mawk hkan buga hkan na Wa la ni law malawng gaw tinang a n'ta hta n'nga lu ai sha,dun n'ta hte tsan ai de hprawng makoi shajang nga ma ai lam na chye lu ga ai.
Lahta tsang jawng ma ni hpe du hkra porter lahkawn shalawm ai lam byin nga ai majaw jawng ma ni mung jawng wa jawng sa grai hkrit tsang nga ma ai lam matut na chye lu ga ai.
