Despite ceasefire, fighting goes on in Kachinstate ( northern Myanmar )

Hpa baw "ceasefire" wa rai ta..?

WAR IN KACHINLAND

MAJAN MATUT BYIN - 19/1/2013

Myen ni n'bungli hte matut manoi gasat

Majan shiga.

2012 ning April (2) ya shani hkying (9:30)am aten, Myen Hpyen Dap, Ts.K.Hk Masat (3) na hpyen hpung ni Mawdaw (1) hte KIA Masat (5) Dap Ba ginra, Gang Dau Yang kaw nna Mali Yang maga lai yu wa ai lam lapran kaw, KIA Masat (255) Dap Nawng, Dap Dung na hpyen hpung ni hte gasat poi byin ai lam chye lu ai.

Myen Hpyen Dap, Hk.L.Y Masat (142), Hk.M.Y Masat (387) na hpyen hpung ni hte KIA Masat (5) Dap Ba na hpyen hpung ni (2-4-2012) ya shani hkying (9:30)am aten hta KIA Masat (5) Dap Ba ginra, Nawng Tap Bum makau kaw gasat poi byin ai lam chye lu ai.

KIA Masat (5) Dap Ba ginra, Ja Pu mare makau kaw (2-4-2012) ya shani hkying (12:30)pm aten, Myen Hpyen Dap, Ts.K.Hk Masat (3) na hpyen hpung ni hte KIA Dap Nawng, Dap Dung na hpyen hpung ni gasat poi byin ai lam chye lu ai.

KIA Masat (4) Dap Ba ginra, Sai Hkau kaw, Mung Maw(Man Hai) kawn lung wa ai Myen Hpyen Dap, Dap mying nchye ai hpyen hpung ni hte KIA Masat (8) Dap Dung na hpyen hpung ni (2-4-2012) ya shana hkying (8:30)pm aten hta gasat poi byin ai lam chye lu ai.

Myen hpyen hpung ni jinghpaw mare nat.

Wunpawng Mungdan Shanglawt Asuya up hkang ginra rai nga ai N Pawn mare de myen hpyen asuya a hka-ma-ya (390) na hpyen hpung ni gaw March (28) ya shani hkying (4:45pm) ten hta laknak kaba ni gap sharu bun ai hte mare masha ni a n ta (4) tup hpe mung wan nat kau ya lai wa ai lam shiga na chye lu ai.

2012 ning march shata  (25) ya shani hta mung myen hpyen hpung ni gaw Nansanyang mare hpe wan nat kau ya lai wa sai re.

Nat kau ya hkrum ai n'ta ni gaw.

1. Jan Mali Hkawn Bu a nta
2. Slg. Mali Tawng a nta
3. Jan Ban Mun a nta
4. Slg. Gyung Dau a nta
5. Slg. Mali Tu Hke a nta,
6. Slg. Gawlu Brang Tawng a (Ah Me Ein) manam jarawp ni rai ma ai.

Laga ni na mying gaw atsawm n'lu sagawn shi ai re.

Photos   >>> Click Here <<<

UN NI MAIJAYANG MAGA DE SA DU GARUM.

UN garum ningtum hpung ni gaw March (27,28) ya shani ni hta Jinghpaw wunpawng Mungdan Dap Ba 3 ginra rai nga ai Mai Ja Yang mare hte grup yin ni hta du shing byi nga ai hpyen yen tsinyam masha ni hpe sa du garum lai wa ai lam shiga na chye lu ai. UN garum ningtum hpung ni kawn Mai Ja Yang mare hte grup yin hkan du nga ai hpyen yen tsim yam ni hpe shata mi na matu n-gu, jum, sau, shapre, hpun n'ba hte ma kaji ni a matu ra nga ai arung arai n'kau ni hpe wa garum ya lai wa sai lam shiga na chye lu ai.

Ya na zawn rai wa garum ai hta, masha 5/6 rai jawm nga jawm shadu sha rai nga ai ni hpe gaw grau na dinghku rai rai nga ai di mala hkawan, n'ba hte malu masha ni hte garum la lai wa sai zawn, masha 2/3 sha rai jawm nga jawm shadu sha re ai ni hpe gaw n'gu hte sau ni hpe garan jaw lai wa sai lam matut na chye lu ga ai.

UN ni gaw kun rai htaw Mawdaw kaba 4 hte mawdaw kaji 4 rai na tsin yam dabang di rai sa du garum lai wa sai lam na chye lu ga ai.

Burma: Burma Army ransacks church in Bhamo district

On 13 March the Burma Army ransacked Sin Lum Pang Mu Baptist Church in Pang Mu village, located in Bhamo district.

According to Reverend Jangmaw Gam Maw, pastor of Pang Mu Church, soldiers from the 33rd battalion of the Burma Army's 88th Infantry Division burned bibles, destroyed church property, and stole a video player, loudspeakers and villagers' belongings. The soldiers claimed that the property belonged to a Kachin Independence Army outpost. They also took money from the church donation boxes.

The pastor and over 1,000 church members from Pang Mu village had abandoned the village for Mai Ja Yang IDP camp on 19 November 2011.

On 10 March, Burma Army soldiers disrupted a Christian conference and threatened a Member of Parliament (MP) at gunpoint in western Burma's Chin State, according to the Chin Human Rights Organization (CHRO).

More than 1,000 delegates from 80 local branches of the Mara (Chin) Evangelical Church at Sabawngte village, in a remote area of Matupi township, southern Chin State, had gathered for the conference, which had official permission. CHRO reports that several Burma Army soldiers disrupted the meeting and rebuked the village headman for not reporting the event to the army camp. When Pu Van Cin, an MP from the Ethnic National Development Party, saw the soldiers confronting the village headman and tried to intervene, he was threatened at gunpoint.

 Benedict Rogers, East Asia Team Leader at Christian Solidarity Worldwide, said, "These incidents illustrate that there is still a very long way to go in Burma's reform process, and for that reason, the international community should be cautious about lifting too many sanctions too quickly. We have seen very welcome progress in Burma at some levels in recent months, but the Burma Army continues to perpetrate grave violations of human rights in the ethnic areas, which include religious discrimination and persecution of minorities. Religious freedom is a fundamental value in any democratic society, and so if the Burmese government is serious about reform, it must protect religious freedom. We urge the international community to monitor the situation closely. While it is certainly right to ease some sanctions in recognition of the progress made, we urge the European Union, the United States and others to do so gradually, step by step, in proportion to the developments on the ground, and to retain some measures until further genuine change is secured. In Rangoon and the urban areas there is atmospheric change, but not yet substantial institutional, legislative and constitutional change that will make reform irreversible. In the ethnic areas, crimes against humanity continue. We call upon President Thein Sein and all reform-minded officials in the Burmese government to take action to end the military's abuses, and to protect human rights, including religious freedom, for all."

For further information or to arrange interviews please contact Kiri Kankhwende, Press Officer at Christian Solidarity Worldwide on +44 (0)20 8329 0045 / +44 (0) 78 2332 9663, email kiri@csw.org.uk or visit www.csw.org.uk.

Christian Solidarity Worldwide (CSW) is a Christian organisation working for religious freedom through advocacy and human rights, in the pursuit of justice.

Dap Da ( 3 hte 5 ) ginra ni hta Padang hkrun lam majan byin.

Wunpawng Mungdan Shanglawt Asuya Dap Ba (3) Ginra rai nga ai Mai Ja Yang hte Loi Je mare lapran kaw March (24) ya shani myen hpyen hpung ni hte KIA myu tsaw share shagan ni laja lana gap gasat lai wa sai lam shiaga na chye lu ai. N dai zawn gap gasat ai hta myen hpyen maga na tat-yin-mu (Dap Up) langai hkrat lai wa sai lam hpe mung na chye lu ai.

2012 ning March (25) ya shani hkying (9:30)am aten kawn kying (12:00)am aten laman, KIA Masat (5) Dap Ba ginra, Dum Bang Bum kaw nna Nam San Yang de htu lung wa ai, Myen Hpyen Dap, Hk.M.Y Masat (388) na hpyen hpung ni hpe KIA Masat (5) Dap Ba na hpyen hpung ni hkap shingla gasat ai kaw nna gasat poi byin ai lam chye lu ai.Gasat poi byin ai shara hta lahkawng maga de na si, hkala hkrum ai lam atsawm n chye lu ai.

Myen Hpyen ni, Nam San Yang mare kata de shang nna, Kahtawlik(RC) nawku jawng makau grup yin na, Mung mare masha ni a dum nta (3) daram nat kau ya ai hta n-ga laknak kaba hte majoi gap jahten kau ya ai lam hpe mung, matut na chye lu ai.

Dap Ba (3) Ginra rai nga ai Lagat Bum Post hpe March (24) ya jahpawt daw hta myen hpyen hpung ni n gun kaba hte shang htim ai majaw gan yen kau ra ai lam na chye lu ai. Dai shana sha (March 24) ya shana maga KIA myu tsaw share shagan ni kawn n gun hte bai lu htim zing madu la sai lam shiga hpe mung na chye lu ai. Gasat majan kata lam shiga hpe gaw a tsawm hkrak rai n chye lu shi ai.

Amyu baw sang ni hte Derek Mitchell hkrum shaga.

American munghpawm mungdan kata na mare kaba 67 ni hta shanu nga ai Myu baw sang ni kawn Myen mungdan kata amyu baw sang ni shanu nga ai ginra hkan e byin nga ai myen hpyen ni a shinggyim ahkaw ahkang taw lai nga ai lam hpe jahkring ya na matu myen mung lithkam lahta tsang datkasa
Derek Mitchell hpang de lata masat lekmak htu da ai laika hte hpyi shawn dat sai re.

N'dai laika hpe Myen mung akyu ara a matu shakut nga ai US Campaign for Burma kaw na U Aung Din, Karen Myushayi langai hte Jinghpaw Myusha Slg. Gum San ni gaw March shata 22 ya shani hta Derek Mitchell hte tatut hkrum shaga let jaw bang dat sai re.

Sinlum, Pangmu maga de majan byin.

March (23) bat Manga 2012 hta Wunpang Mungdan Shanglawt Asuya Dap Ba (3) ginra rai nga ai Manmaw - Loi Je lam n'tsa na mare ni rai nga ai Sinlum Pangmu mayan de KIA Dap Dung (21) na Myu Tsaw Share Shagan ni hte myen hpyen asuya a tat-ma (88) na hpyen hpung ni gap gasat lai wa ai lam shiga na chye lu ai.

March (13) ya shani hta mung, Jinghpaw Wunpawng Hkalup Hpung (KBC) a labau shang masat Manmaw Ginwang Sinlum, Pangmu mare na Nawku Jawng kaba (Dr. Ola Hanson Masat Nawku Htingnu) gata na arung arai ni hpe mung wan-nat jahten shaza ya lai wa sai lam shiga na chye lu ai. Nawku Jawng na Hpung Masha jahpan laika buk ni yawng hte dung lahkum ni mung wannat kau ya lai wa ai lam, na chye lu ga ai. Sinlum Pangmu Duwa Rev. Lahpai Zau Tu a aru arat ni a Lahpai Du Nta kata Dawdap kaw mung la hpa n'nga mat hkra Myen Hpyenla ni ayai aya hpya kau nna arung arai ni hpe mung shaw la kau ya mat wa  sai lam shiga na chye lu ai.

Myanmar invites in international election monitors

The government of Myanmar says it will allow US, European Union, and Southeast Asian election monitors in to observe the coming national elections in April. Pro-democracy advocate Aung San Suu Kyi is on the ballot, seeking a seat in Parliament.

The announcement comes as Human Rights Watch released a report saying the government is blocking international humanitarian aid to 75,000 ethnic Kachin people who have been displaced. The government has been fighting Kachin rebels since last summer. The human rights group says government troops have destroyed Kachin villages, tortured civilians and raped women during the conflict. HRW says the Kachin rebels are using child soldiers.

Myitkyina-Manmaw Lam, Npawn Hte Gang Dau Lapran Kaw Myen Hpyen Dap Hte KIA Gasat Poi Byin.

2012 ning March (19) ya shani hkying (10:10)am aten kawn shana maga hkying (6:00)pm aten laman, Myitkyina-Manmaw lam makau Npawn mare hte Gang Dau Yang lapran na Slg. Lajawn Ngan Seng (Wun Ji) a Rubber sun kawng kaw shara la nga ai KIA Masat (255) Dap Nawng, Dap Dung na hpyen hpung ni hpe Myen Hpyen Dap, Hk.L.Y Masat (260), Hk.M.Y Masat (390) na hpyen n-gun (250) daram hte laja lana htim gasat, Myen Hpyen Dap ni hku nna Gung nsa bawm (Chemical Bawm) gap ai majaw, KIA maga de na hpyen hpung ni baw sin, madawn nna nsa sa yak ai zawn re lam byin ai hpe chye lu ai.

Hkying hkum (8) daram na ai gasat poi hta KIA maga de na marai (3) hkala hkrum ai rai nna, Myen Hpyen Dap maga de na marai (30) daram hkala ai lam chye lu ai.

Myen Hpyen Asuya gaw ya na zawn KIA hpyen hpung ni nga ai shara hpe hpyen n-gun laknak kaba hte laja lana gasat nga ai majaw, Gang Dau Yang, Npawn, Nrawng Sam hte Ja Hta mare hkan na Mung mare masha ni yawng hpyen majan hkrit nna hprawng koi yen hkawm mat nga ai, Mung mare masha ni a du sat yam nga hte dum nta ni hpe Myen Hpyen Dap ni kam ai hku gap sat sha, jahten sharun nga ai hta n-ga, yi sun hkanau, Rubber sun ni hpe sharaw wan nat jahten nga ai lam hpe mung matut na chye lu ai.

Myitkyina-Manmaw Lam, Npawn Hte Gang Dau Lapran Kaw Myen Hpyen Dap Hte KIA Gasat Poi Byin.

Internet prat rai sai..

Wunpawng sha ni e Mungkan prat gaw lai lai.., lai let shai mat wa......Mungkan prat n'dai wa mau na zawn she rai...Internet prat rai sai, moi na hta grai shai sai....Goi e... Wunpawng sha anhte ganing re prat du nga..

Masha ni gaw grau grau..., Anhte ni gaw mau mau..lam shagu hta hpang hkrat nga yang n'mai sai...
ga san latsa san let...,tinang lam hpe san yu ra sai..Prat dep wa sai rai kun ? hpang hkrat nga ai kun?
rawt jat wa ai rai kun ? grit nem nga ai kun? N'htang myit sumru yu myit gaw hpra hpra nga....

Ja Lungseng bum sin na shingbwi ginsum rawng..Yi sun hkauna lu n'na yi sun kau tawn da..
Tinang hkrai tinang Mungkan lahkam shachyut hkawm mung hkum rai..Tinang dinghku pyi n'chying gadai wa anhte hpe kam na rai..Htaw......aw... Myusha yawng a rap daw kaw na pru sa wa ga..

Shinggyim ngasat ngasa lam yawng....Nawku makam masham lam mung..Pan dung masa langai hta sha...shada gindun shabawn langai...manaw n'sen langai sha... masa lam yan langai hta hkan sa....

Mungkan hpawng de anhte pru sa wa ga.....
Mungkan hpawng de anhte pru sa wa ga.....

N . Kai Ra

Manau Amyu Hpan ni

Manau Amyu Hpan ni

Manau dum yang ka manawt ai lam amyu langai sha rai tim lachyum gaw shai nga ai. Manau amyu ni 13 nga ai. Dai ni gaw Sut manau, Kumran manau, Ninghtan manau, Padang manau, Ju manau, Htingram manau, Ningshawn manau, Kumrum manau, Nausawt manau hte Htinghtang manau ni rai ma ai.

(1) Sut manau

LUSU nga mai nna manau dum ai manau rai nga ai. Dai manau hta sa du lawm ai ni hpe kumhpa garan jaw chye ma ai.

(2) Kumran manau

Lamu madai jaw jau ai nta langai ngai kaw na kahpu kanau shada nja nhpra hka bra wa na. htingbyen pru wa na rai yang, kumran manau dum ma ai.

(3) Ninghtan manau

Hpyen majan rawt na rai yang n-gun atsam la ai. myit mang jahkum la na matu ninghtan manau dum ma ai. Dai shani share shagan nat ni yawng hpe jaw jau ma ai. Majan woi awn na hpyen bu hpyen ma ni sanat laknak. ninggang ni hkyen lajang jahkum shachyip da nna, lamu madai ni kaw hpaji hpyi san la nna, shanhte hpaji jaw ai hte maren manau dum la nna hpyen gasat pru sa wa ma ai, Ka manawt ai shaloi mung tinang lang ai laknak ni lang let ka manawt ma ai. Manau kaga dum yang gaw naura chyinghka langai sha baw nhtawm, shang wa ai hte bai nhtang pru wa ai chyinghka langai sha rai nga ai. Ninghtan manau gaw chyinghka lahkawng baw nhtawm, shang wa ai chyinghka kaga, pru wa ai chyinghka kaga di nna masat da ma ai. Hpyen rawt manau dum ngut jang she hpyen laknak arai ni lang nna majan sa wa ma ai.

(4) Padang manau

Majan sa nna awng dang wa ai shaloi, padang manau dum ma ai. Dai shani nat amyu yawng hpe Jaw jau ma ai. Lamu madai ni hpe mung chyeju dum ai masat galaw ra ai.

(5) Ju manau

Asak kaba sai myitsu ai Du jan, Du wa, Gumgai Dingla si nna makoi mayang ngut ai hpang e dum ai manau rai nga ai.

(6) Htingram manau

Shada da nram hkat nna, ram hkra htingram ai shaloi dum ai manau rai nga ai. Dai shani shada da jaw ai, la ai htinglu htinglai sharai hkat ma ai.

(7) Dingshawn manau

(Hpundu dip manau) Lamu madai lu nna lusu ai ni nta ningnan galaw ngut nna dingshawn shang ai shaloi. shing nrai hpang shaning dum ai manau rai nga ai.

(8) Kumrum manau

Hka bra mat ai na sai kahpu kanau shada bai hkrum zup nna kabu gara ai kumla madun ai manau rai nga ai.

(9) Nausawt manau

Majan rawt mahka e jahkring jahkra pyaw poi zawn lana de mi sha, shing nrai jahkring mi sha gan manau ai manau: nat jawjau ai mung nat yawng hpe njaw ai, langai lahkawng hpe sha jaw jau let, lamu madai hpe mung njaw ai sha, loi hkring loi hkra sha rai manau dum ai hpe 'Nausawt manau' nga ma ai.

Dai zawn rai dum ai manau hta manau shadung hpe mung jahkik ai lam nnga, manau shadung kaja nlu jang maisau hte mawn sumli nna rai tim manau dum chye ma ai. Dai zawn rai jun ai manau shadung hpe 'Nausawt shadung nga ma ai.

10) Htinghtang manau

Sut manau hta grau ai hku dum ai manau re. Sutring sut chying, U, Wa. yamnga law ai, naiman ntaw ntsang lu ai, kahpu kanau, mayu dama mung chying ai ni sut manau dum ai hta htam mi jan nna jahting jahkum shatsup tawn ra ai. Grau nna lusu nga mai, lu lu, lusha wa lu na hte makyin jinghku shangang shakang lam htam wa na matu dum ai manau re.

Npan de manau dum na naura lajang tawn ai zawn nbang de mung naura lajang da ra ai. Npan de manau dum ai mali ya rai jang nbang de lajang tawn ai naura hta bai matut nna nhtoi mali ya manau bai dum na rai nga ai. Nbang npan maga lahkawng nhti nhtang dum ai manau hpe 'Htinghtang manau' ngu ai rai nga ai. Ndai manau hpe ram ram lusu ai ni she lu dum nga ma ai.

(11) HKridip manau

Mare kahtawng ninghtawn ningnan de ai shaloi, yi hkauna naiman, lusha lu jahting la jang, jaw jau nga ai nat ni hpe shagu hkungga U, Wa yamnga ren di nna sat jaw nhtawm, mare buga ningnan ring hkang chying wa u ga, ngwi pyaw lu sut lu su nga mu nga mai wa. hkam kaja mayat maya law htam wa. nga ai mare ginra htinghput htingra galaw lu galaw sha na shara yi sun hkauna hkai nmai myu baw shagu hte, rem ai u wa. Yamnga, amyu yawng law htam nga pra sa wa na, masha hte hku hkau hkamja ai mare byin tai wa na matu, mare 'Hkridip manau' ngu nna dum ai manau rai nga ai.

(12) Roidu kaput manau

Asak naw hkrung nga ai shaloi manau dum sai wa sai myitsu salang asak kaba sai ni si ai shaloi, karoi Jun nna mang makoi yang. ndaw hkahkrang ai lam galaw nhtawm. mang makoi shangut ai hte rau karoi hpe run baw kau nhtawm, dai karoi jung ai nhkun shara hta manau shadung bai galai jung nna, shalan shabran ai manau, Roidu kaput ai manau ngu nna manau dum ma ai.

(13) Hkindu tep manau

(Palam la manau) Ndai manau gaw Palam la ni pyen kayawt hkawm ai hpe kasi la nna, ka manawt ai manau re da. Shawoi na manau ka nanawt ai hte nbung ai, chying bau dum ai mung loi mi shai nga ai hte yak ai majaw, ndai prat hta nau wa nhkan galaw masai da, Nung Rawang ni hte Lawngwaw ni sha chye lang chye ka manawt masai da.

Lahpai Zau Mun - B.A (Hist.) H.G.P., Momuk

K.I.O gaw Mung Shawa Hpyen Hpung hte seng ai sanglang zuphpawng galaw

Wunpawng Mungdan Shanglawt Hpyen Dap, Ninggawn Daju, Hpung Mai Gawknu hta dai hpawt 10 Am. Aten e Mung Shawa Hpyen Hpung hte seng ai Sanglang Zuphpawng hpe galaw ai lam chye lu ai.

Zuphpawng hta Wunpawng Mungdan Shanglawt Hpung (K.I.O) Dap Awn Daju, Du Daju Jum Gunhtang Gam Shawng kawn Mung Shawa Hpyen Hpung hte seng ai lam sanglang dan nna Wunpawng Mungdan Shanglawt Asuya, Mungchying Uphkang Dap Lithkam Salang Kaba Lajawng Hkawng Lum kawn hpaji jaw mungga shatsam mat wa ai. Dai hta, K.I.O a rawt malan majan gaw Mung Masa majan hte laknak majan re ai lam, Mung Shawa rawt malan majan re majaw yawng shanglawm ra ai lam, lai wa sai shaning kaw nna Mung Shawa Hpyen Hpung hpe hpaw tawn sai lam, ndai mung shawa hpyen hpung hta asak aprat ram ai ni, magam gun pru hkringsa sai hkamja lam naw nga ai ni, Civil Servicemen ni lawm ai lam, ra wa ai hta hkan nna aten hpring Army hte maren bungli hta shang tsap wa ra na re majaw Mung Shawa Dap Shawa ni yawng chye na hkra tsun sanglang dan mat wa ai.

Matut nna mung 1:00 Pm. aten hta Laiza Muklum, Myu Lawt Wunli Gawknu e mare buga na myit su kanu kawa, ramma shayi shadang ni shanglawm ai Mung Shawa Hpyen Hpung hte seng ai sanglang zuphpawng hpe galaw wa sai re.

Ya ten K.I.O gaw Mung Shawa Hpyen Hpung hpe Ginjaw Ginra, Sinpraw Ginwang Ginjaw, Dingdung Ginwang Ginjaw shara ni hta hkrang shapraw da lu sai rai nna kaga ginra ni hta gaw tsun na daram rai nre shi ai lam chye lu ai.

www.kachinnet.net

Mada yu ga , hkam sha yu ga.

Lai za Mare hte makau gyipyin a lam ni hpe Mada yu ga , hkam sha yu ga.

JWP hte EU

England Mungdan London kaw shanu nga ai Jinghpaw Wunpawng myusha ni gaw tinang Kanu Jinghpaw Wunpawng mungdan hte seng ai lam ni hpe London daju jung French embassy (Kyit Hkai)Rung hta, Dai ni February shata 16 ya shani hta e sa du hkrum shaga bawng ban lai wa sai lam shiga na lu ai.

Ya na zawn London daju French embassy (Kyit Hkai) rung hta du nga ai French maigan hkringmang daju ningtau lit hkam hte sa du hkrum shaga ai lam gaw,Myen mung hta ya jang jang byin hkrum nga ai myusha ni a mayak mahkak hte hkrat sum nga ai Jinghpaw Wunpawng Myusha ni a gam maka hpe shading sharai hparan lajang la lu na lam hta dingbai dingna rai nga ai, daini na Labu galai Myen Mung asuya hpe matut n'na pressure jaw na lam, Labu galai asuya hte myu bawsang ni a lapran na mayak mahkak ni hpe matut kan ga hparan nga ai lam hta tsap garum lawm ya na, EU Mungdan ni kaw na Myen mung a mung masa lam hpe majoi n'yu shalai nga ai sha tatut hkrang shapraw sa wa lawm na matut tang madun lai wa sai re.

French embassy (Kyit Hkai)rung du, French Maigan hkrinmang daju ningtau lit hkam hte ya na zawn Jinghpaw Wunpawng Myusha ni Sa du hkrum shaga ai gaw shawng n'nan lang na lang rai nga ai re.

Madung Sa du hkrum shaga ai ni gaw London daju jung Jinghpaw Wunpawng Amyu Sha Hpung KNO kaw na Slg Mung Ring La hte Slg Ring Du, Burma Campaign Uk hte KNU kaw na Shayi sha Zoya phan hte London du Rohinja kaw na Salang ni re lam na chye lu ga ai.