Myen gumshem hpyen asuya gaw, Jinghpaw Wunpawng Mungdan kata de hpyen n-gun hte sinat laknak machyu pala bawm yam ni mayun jat bang nga dingyang rai nga ai hte Jinghpaw Wunpawng Mungdan mare daju Myitkyina de gahkrang nga ai wanleng lam hku, Manmaw de hka sanghpaw lam hku hpyen n-gun hte sinat laknak kaji kaba ni ndai laman dingyang htaw bang nga ai lam na chye lu ga ai.
Myitkyina hte Manmaw ni hta shiga mawng pru nga ai lam gaw, Myen hpyen asuya gaw, tinang Myen amyusha dum nta nkau ni hkan e mung sinat laknak ni lagyim bang da ya nga ai hte myusha ni a lapran hta mung myit garan sumprat dit nga ai lam matut chye lu ai.
Grau na gaw Waimaw mare hte grupyin hkan e shara jahkrat, shalaw tawn ai lam hpe mung matut chye lu ai. Ya na zawn Myen gumshen hpyen asuya ni hpyen n gun shalaw, laknak shalaw rai jahkrit shama nga sai lam gaw n tara ai hte wunpawng myusha ni a n tsa dipup saichyup nga ai lam nan rai nga ai re.
Dai re majaw hkum hkrit nga mu, hkum tsang nga mu anhte jinghpaw wunpawng myusha ni hpang de tengman ai Karai Kasang lawm ya nga ai.. Lam shagu hta awng dang na re.
