SHANGLAWT HPUNG

SHANGLAWT HPUNG
Marit Seng Ja Pan

Hkying me Jahkutsa e Hkrushi Langai,
Ningbaw Kaba Zau Seng woi awn ai;

Wunpawng Mungdan Shanglawt Hpung ngu,
Myumasha yawng hpe jasu.

Dung ai kaw na rawt,
Mungmasa Lahkam htawt,
Chyurum Dawnghkawn hpe sharawt;

Labau Wanleng hte htoitu ai,
Lamwoi Shanan tai;

February praw Manga,
Mungshawa hte Hpyenla;

N-gun Shamawn magyet,
Waroisang Shingkri zawn zet,
Sut gata Rawt Malan jet jet;

Majan shawnglam de rawt,
Mawru kaba hte adawt,
Tawtlai Hpyen mahkra gawt;

Lamuga n tat,
Lapu du manat,
Sali Wunli n shamat;

Kabu ninglaw lu,
Pandung Shadaw du;

Padang Manau hte ginchyum dat,
Wunpawng jahpan jahtat;

Kungkyang ai Hpyendap hpe sin,
Myumasha yawng hpe gahkyin;

Wunpawngmasha yawng hpe,
N htum N wai ai hte,
Ngamu ngamai lam de;

Woi-awn sa wa lu na,
Shanglawt Hpung nan rai nga.