Lai sai shaning ni law law kaw n'na wunpawng mungdan kata shara shagu hta myen hpyen asuya uhpung uhpawng shagu na ni gaw (KA NI) nang hpam tsi mawan hpan sha gu hpe rim la n htawm dai rim la lu ai KANI nang hpam tsi mawan ni hpe sha bai dut shabra dinglen nga ai gaw ya daini du hkra rai nga ai re. Myitkyina ginwang, Manmaw ginwang hte ginwang shara shagu hta n dai zawn re myen a myu shamat masing ni gaw tatut byin pru nga ai re.Wunpawng mungdan kata hta nang hpam tsi mawan ni hpe a law a htam dut shabra nga ai ni kaw na jaw ai mayun kum hpa ni hpe ten shagu hkap la nga ai uhpung u hpawng ni gaw n dai lam ni wunpawng mungdan hta mat mat wa na pyi grai hkrit tsang nga ai re.
Myen balik dap ni, myen kaichyan dap ni gaw NANG HPAM tsi mawan ni hpe wunpawng mungdan kata hta dut shabra ai, bai rim masu ai, rim la lu ai ni hpe matut bai dut shabra ai lam ni hpe tut e a galaw nga ai re. Shan hte dut shabra ai a majaw lu sha wa ai wunpawng myu sha ni hpe daini myen hpyen asuya gaw hkyuk htawng ni hta rim bang sharen da n htawm zingri zingrat hkrum sha nga ai saidaw saichyen ni lani hte lani grau grau law htam wa nga sai re.
Dut lu dut sha ai lam hta n lawm tim, lu sha nga ai hta gaw anhte wunpawng myu sha ni sha law dik shang lawm nga ai re, N dai lam ni gaw wunpawng myu sha ni a n tsa myen hpyen asuya ni ta tut galaw hkawm sa nga ai katsi majan nan rai nga sai hpe wunpawng myu sha ni daini myit dum chye let, n'dai gatsi majan kawn tawt lai lu na matu gaw myen hpyen asuya a masu ga hpe n kam ai sha, zai ladat hte ta tut gasat shamyit mat wa na gaw anhte Wunpawng Myusha yawng hta lit nga nga sai hte tatut hkrang shala sa wa ra nga saga ai re.
KachinMediaGroup
N'htoi : 21/nov/2010
